Ilmu Bahagia

Salah satu cara menjalani hidup dengan (lebih) bahagia …

Wohing ajaran Kawruh Jiwa

Posted by Wijayanto on April 16, 2008

Solo Pos, 27 Maret 2008

Ki Ageng Suryemantaram (KAS) miwiti mbabaraken ajaran kawruh begja wonten ing Desa Kroya, Bringin, Kabupaten Semarang, antawisipun sedasa kilometer ing sisih ler, saking kitha Salatiga.
Ajaran utawi filsafat kawruh begja kawiwitan saking sumerepipun Ki Ageng dhumateng hakikatipun tiyang, ingkang miturut Ki Ageng ing saben tiyang punika wonten kalih perangan ”Aku”, inggih punika ”Aku tukang nyawang” kaliyan ”Aku kramadangsa”. Filsafat kawruh begja punika sakmenika langkung moncer kanthi sebatan kawruh jiwa.

Aku tukang nyawang inggih punika peranganing tiyang ingkang saged mangertos punapa kemawon ingkang dipunraosaken, lan dipunlampahi dening Aku kramadangsa. Aku kramadangsa inggih punika peranganipun tiyang ingkang kagungan ‘kekarepan’, lan ingkang nglampahi punapa kemawon, sadanguning tiyang punika gesang wonten ing salumahing bumi sakurebing langit. Aku tukang nyawang namung ”nyawang” kemawon, mangertos dhumateng raos lan lelampahanipun Aku kramadangsa.
Langgeng bungah susah dados jargonipun para siswa kawruh jiwa. Siswa kawruh jiwa, inggih punika tiyang-tiyang ingkang nyinau, nyuraos, ajaran/filsafat Kawruh Jiwa.
Langgeng bungah susah punika kalairaken saking filsafat bilih tiyang punika badhe ngraosaken bingah menawi karepipun kalampahan, lan menawi karep boten kalampahan, badhe ngraosaken sisah. Nanging boten wonten bingah sajege, lan boten wonten sisah sajege. Menawi karepipun kelampahan, lajeng nglairaken raos bingah, nanging sekedhap malih bingah punika badhe ical, kagantos raos sisah, amargi taksih wonten karep sanes ingkang boten utawi dereng kalampahan.
Bab karep punika, ing kawruh jiwa wonten falsafah mulur mungkret, inggih punika bilih tiyang badhe mulur karepipun (karepipun langkung ageng), menawi karep ingkang rumiyin sampun keturutan, nanging kosokwangsulipun, menawi karep boten kalampahan, karep punika badhe mungkret, langkung alit.
Mesthi penak
NemSa (SaNem), inggih bab ingkang moncer ing filsafat ajaranipun Ki Ageng Suryamentaram, NemSa inggih punika: sabutuhe, sacukupe, saperlune, sabenere, samestine, sapenake (dipun singkat dening para tiyang ingkang nyinau kawruh jiwa – Salatiga: butuh cukup, perlu bener, mesthi penak. NemSa punika asring dipunmangertos kanthi klentu, utaminipun ing babagan sapenake, dipunanggep bilih para siswa kawruh jiwa punika lajeng ”sakarepe dhewe”, sapenake kemawon anggenipun nglampahi gesang. Ki Ageng nate ngendika kirang-langkungingipun ‘kepenake tiyang punika menawi saged ngepenakke liyan. Dados, sapenake punika boten ‘sakarepe dhewe’, nanging nglampahi gesang supados tiyang sanes inggih saged ngaosaken sekeca. Langkung-langkung menawi dipunsuraos perangan NemSa ingkang samesthine lan sabenere, punika badhe nuntun para tiyang ingkang sinau kawruh jiwa saged nglampahi gesang kanthi samesthinipun, ngampahi bab-bab ingkang leres, boten lelawanan kaliyan angger-anggering gesang lan boten nglampahi lelampahan-lelampahan ingkang boten pantes.
Sejatosipun, pucukipun pasinaon kawruh jiwa inggih punika menawi para siswa Kawruh Jiwa saged nggadhahi pangawikan pribadi, nggadhahi pengenalan diri utawi pengendalian diri ingkang sae, lan tandhanipun tiyang punika sampun nggadhahi raos saged nampi punapa kewawon lelampahanipun gesang (saiki, kene, mengkene, aku gelem), saged nggadahi raos tatag ngadhepi punapa kemawon lelampahanipun gesang. Raos punika boten raos ”pasrah bongkokan” (nrima ing pandum) ingkang pasif, nanging raos mangertos (weruh – sadhar-aktif), bilih punapa kemawon ingkang kalampahan ing gesang punika namung dipunlampahi dening Aku kramadangsa, lan Aku tukang nyawang mangertos punapa kemawon ingkang kelampahan, lan boten dados semplah ngadhepi punapa kemawon.
Pungkasanipun atur, bilih filsafat ajaranipun Ki Ageng Surya Mentaram punika dipunmangertosi dening kathah tiyang kanthi benten-benten pamanggih, gumantung kaliyan pasinaonipun. Wonten ing sawatawis tlatah, para siswa kawruh jiwa ngawontenaken junggringan (pakempalan) kanthi teratur, upaminipun wonten kitha Salatiga, para siswa kawruh jiwa sami junggringan sewulan sepindhah. Kula nyobi ndherek monceraken filsafat kawruh jiwa langkung jagad maya (Internet) wonten ing http://ilmubahagia.salatiga.biz. Nuwun.

Petrus Wijayanto, Siswa kawruh jiwa, Salatiga

dikutip dari: http://www.solopos.co.id/soft/index_detail.asp?id=10366

8 Responses to “Wohing ajaran Kawruh Jiwa”

  1. Hartono said

    Matur nuwun sanget, saking aturipun sederek ing salatiga

  2. wijayanto said

    sami-sami

  3. Sudarno said

    Setelah bertahun – tahun menjalani kehidupan yang rutinitas timbulah kelelahan dan kejenuhan, saat itu muncul pertanyaan dalam hati, apa yang saya lakukan setiap hari sepertinya kita melakukan kegiatan yang bertujuan diluar diri saya, sehingga kehilangan makna hidup yang sesungguhnya, disaat sedang gejolak dihati saya berusaha mencari bacaan- bacaan baik dari agama, dari seorang motivator, belum menjawab pertanyaan di hati saya, kemudian saya merenung kehidupan orang tua dan tetangga pada saat di desa dengan ekonomi yang apa adanya sepertinya bahagia saja,bila keinginannya belum terpenuhi tidak memaksakan diri dengan sekarang juga harus ada entah bagaimana caranya (berhutang, atau jual tanah), maka saya cari bacaan falsafah jawa dan saya menemukan ajaran-ajaran orang dulu termasuk Ki Ageng Surya Mentaram walau baru sedikit yang saya tahu, namun sudah dapat mengobati dan memenangkan hati saya, bahwa orang hidup itu tidak hanya bekerja mencari uang untuk memenuhi kebutuhan sandang pangan dan papan saja, dan dikira jika kebutuhan itu terpenuhi maka akan bahagia, ternyata salah memahami dalam konsep hidup saya. Saya jadi bisa memahami kehidupan sekarang ini kenapa orang banyak menjadi stres, depresi, sakit jiwa, pemarah, membunuh orang sampai sampai ada yang bunuh diri, ini semua lantaran keinginan yang tinggi tidak bisa memenuhi tuntutan istri atau suami atau anak sehingga lepas dari kendali batinnya, dan keinginan itu semua mengarah kepada kebutuhan lahiriah. maka saya kepingin belajar menjalani hidup seperti yang diajarkan Ki Ageng Surya Mataram.

  4. Wijayanto said

    Ya begitulah Pak..
    saya belajar KJ, membuat sy bisa agak ‘kritis’ tidak hanya percaya pada yang “jarene”.
    demikian juga bisa belajar nyawang awakku dhewe, sehingga lebih mampu mengendalikan diri sendiri

  5. Siswo said

    Wonten kalih raos Aku inggih punika Aku tukang nyawang lan Aku Kramadangsa. Sejatosipun ingkang dados Subyek yang sebenarnya punika ingkang pundi. Menapa solan salin, lajeng ingkang nggadhahi wisesa ingkang pundi.
    Nyuwun pangertosan saking mas Petrus. Nuwun

  6. Wijayanto said

    @Siswo,
    wah.. punika ingkang radi rumit, amargi wontenipun si Tukang Nyawang punika ingkang magertosi inggih si Kramadangsa.
    Mboten solan-salin, kalih ‘Aku” punika teras wonten ing saben tiyang, namung mboten saben tiyang mangertosi wontenipun si Tukang Nyawang.
    Supados mangertos, Kramadangsa perlu sinau, naliti wonten awakipun piyambak, punapa inggih leres bilih si Tukang Nyawang punika wonten? Menawi dipun raos-raosaken, lajeng badhe kepanggih raos “wontenipun si Tukang Nyawang” lan sedaya punika ‘kesadaranipun’ si Kramadangsa. Kramadangsa ingkang purun mikir, ingkang purun naliti, lan purun ngraosaken. Amargi Kawruh Jiwa punika bab/prekawis raos. Dados.. Kramadangsa ingkang kagungan wiseso, lan wiseso punika badhe ‘sae’ bilih Kramadangsa mangertos wontenipun Tukang Nyawang, amargi badhe tansah ‘eling lan waspada’, menawi mangertos bilih sedaya prekawis/lelampahaning gesang, wonten ingkang tansah nyawang, inggih punika si Tukang Nyawang, wonten ing awakipun piyambak.

  7. Bocahbajang Kmr said

    Suwun . . .wis nambah wawasanku bab urip . . . .kudune priye supaya slamet . . .lan tentrem, ora kemrungsung. Pancen kudu liwat proses . . . Nuwun . . .

  8. soerya widha prasetya said

    dumateng para sederek, kawula nyuwon tlong pun udaraken babagan pitkonan meniko :
    1. piye carane wong mateni wong ?
    2. piye carane wong dipateni wong ?
    3. piye carane matine wong ?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: